2025లో పాన్ కార్డ్ పేరు మార్పు చేయడం ఎలా? పూర్తి వివరాలు తెలుగులో
భారతదేశంలో పాన్ కార్డ్ (PAN Card) ఒక ముఖ్యమైన గుర్తింపు డాక్యుమెంట్.
ఇంకమ్ ట్యాక్స్ డిపార్ట్మెంట్ ద్వారా జారీ చేయబడే ఈ కార్డ్ వ్యక్తిగత మరియు బిజినెస్ సంబంధిత లావాదేవీల్లో,
అలాగే ఇది పన్నుల చెల్లింపు, బ్యాంకింగ్, ఆర్థిక లావాదేవీలు, ఇన్వెస్ట్‌మెంట్స్ వంటి అనేక అవసరాలకు ఉపయోగపడుతుంది.
కొన్నిసార్లు పాన్ కార్డు పేరు మార్పు అవసరం వస్తుంది. ఉదాహరణగా:
- పెళ్లయిన తర్వాత భర్త ఇంటి పేరు మార్చుకోవాలని అనుకుంటూ ఉంటారు. (ప్రత్యేకించి మహిళలు)
- స్పెల్లింగ్ (spelling) పొరపాట్లు
పాన్ కార్డ్‌పై తప్పుగా ముద్రించబడిన పేరు ఉండటం వల్ల సమస్యలు ఎదురవుతాయి. దీనిని సరిచేయడం అవసరం.
- సర్టిఫికెట్స్ లో పేరుకు భిన్నమైన పేరు పాన్ కార్డులో ఉండటం.
ఆధార్ కార్డ్ లేదా ఇతర గుర్తింపు పత్రాల్లో పేరు ఒకలా ఉండి, పాన్ కార్డులో వేరుగా ఉన్నప్పుడు మార్చుకోవాల్సి ఉంటుంది.
- పేరులో మార్పులు చేయించుకోవాలనుకునే వ్యక్తిగత కారణాలు.
ఈ పాన్ కార్డ్ (PAN Card)లో మార్పు చేసుకోవడానికి ఆన్లైన్, ఆఫ్‌లైన్ రెండు మార్గాలు ఉన్నాయి.
పాన్ కార్డ్ పేరు మార్చుకునే విధానం – ఆన్లైన్ & ఆఫ్‌లైన్
పాన్ కార్డ్ పేరు మార్పు చేయడానికి NSDL (Protean) లేదా UTIITSL వెబ్‌సైట్ ద్వారా అప్లై చేసుకోవచ్చు.
1. ఆన్లైన్ ద్వారా PAN కార్డు పేరు మార్చడం
ఈ క్రింది స్టెప్స్ పాటించి మీరు మీ పేరు మార్పు చేసుకోవచ్చు:
స్టెప్ 1: NSDL లేదా UTIITSL వెబ్‌సైట్ కి వెళ్ళండి
- NSDL వెబ్‌సైట్: https://www.onlineservices.nsdl.com
- UTIITSL వెబ్‌సైట్: https://www.utiitsl.com
స్టెప్ 2: PAN కార్డ్ చేంజ్ అప్లికేషన్ Form నింపండి
- వెబ్‌సైట్‌లోకి వెళ్లి “PAN Change Request Form” ను డౌన్‌లోడ్ చేసుకోవాలి లేదా ఆన్లైన్‌లో నింపాలి.
- పర్సనల్ డిటైల్స్ (వ్యక్తిగత వివరాలు) నమోదు చేయాలి.
- కొత్త పేరు స్పష్టంగా నమోదు చేయాలి.
స్టెప్ 3: అవసరమైన పత్రాలను అప్‌లోడ్ చేయండి
మీ పేరు మార్పు ధృవీకరించేందుకు చిరునామా, గుర్తింపు మరియు ఆధార డాక్యుమెంట్ అవసరం.
అవసరమైన డాక్యుమెంట్:
- పాత పేరు ఉన్న PAN కార్డ్ ఫోటోకాపీ
- గుర్తింపు పత్రం (ఆధార్, పాస్‌పోర్ట్, డ్రైవింగ్ లైసెన్స్, ఓటర్ ఐడి)
- పేరు మార్పు నోటిఫికేషన్ (గెజిట్ పత్రం – మీకు తెలిసిన గవర్నమెంట్ గెజిట్ ఆఫీసర్ దగ్గర సంతకం కూడా చేపించిన సరిపోతుంది. కానీ ఖచ్చితంగా గెజిట్ ఆఫీసర్ ఐడి కార్డు కూడా అవసరం)
- వివాహ ధృవీకరణ పత్రం (వివాహం కారణంగా పేరు మారితే) పెళ్లి పత్రిక ఉన్న సరిపోతుంది.
- SSC, డిగ్రీ సర్టిఫికేట్ లేదా పాస్‌పోర్ట్ (పేరు స్పెల్లింగ్ మార్పు)
స్టెప్ 4: ఫీజు చెల్లించాలి
- భారతదేశంలో నివసిస్తున్న వారికి ₹110
- విదేశాల్లో నివసించే వారికి ₹1020
- డెబిట్/క్రెడిట్ కార్డ్, UPI, ఇంటర్నెట్ బ్యాంకింగ్ ద్వారా చెల్లించవచ్చు.
స్టెప్ 5: అప్లికేషన్ సబ్మిట్ & ట్రాకింగ్
- సబ్మిట్ చేసిన తర్వాత Acknowledgment Number వస్తుంది.
- దీని ద్వారా పాన్ అప్డేట్ స్టేటస్ చెక్ చేసుకోవచ్చు.
2. ఆఫ్‌లైన్ ద్వారా PAN పేరు మార్చడం
ఆఫ్‌లైన్ విధానం ద్వారా పేరు మార్చాలంటే, ఈ క్రింది విధంగా చేయాలి.
స్టెప్ 1: లోకల్ ఆథరైజెడ్ పాన్ కార్డ్ సెంటర్ కు (NSDL / UTI )వెళ్లాలి
- అప్లికేషన్ ఫిల్ చేసి ఫోటోలు అంటించి, సంతకం చేసి పాన్ సెంటర్ వారికి ఇవ్వవలసి ఉంటుంది.
- వివరాలు సరిగ్గా నింపాలి.మీకు తెలియకపోతే తప్పులు చేయకుండా పాన్ సెంటర్ వారి సహాయం తీసుకోండి.
స్టెప్ 2: అవసరమైన పత్రాలు జత చేయండి
- పాత పేరు ఉన్న PAN కార్డ్ ఫోటోకాపీ
- గుర్తింపు పత్రం (ఆధార్, పాస్‌పోర్ట్, డ్రైవింగ్ లైసెన్స్, ఓటర్ ఐడి)
- పేరు మార్పు నోటిఫికేషన్ (గెజిట్ పత్రం – మీకు తెలిసిన గవర్నమెంట్ గెజిట్ ఆఫీసర్ దగ్గర సంతకం కూడా చేపించిన సరిపోతుంది. కానీ ఖచ్చితంగా గెజిట్ ఆఫీసర్ ఐడి కార్డు కూడా అవసరం)
- వివాహ ధృవీకరణ పత్రం (వివాహం కారణంగా పేరు మారితే) పెళ్లి పత్రిక ఉన్న సరిపోతుంది.
- SSC, డిగ్రీ సర్టిఫికేట్ లేదా పాస్‌పోర్ట్ (పేరు స్పెల్లింగ్ మార్పు)
స్టెప్ 3: ఫీజు చెల్లించి Acknowledgment తీసుకోవాలి
పాన్ కార్డు పేరు మారిన తర్వాత ఎంత టైం పడుతుంది?
- కొత్త పాన్ కార్డు మనకు ఇ-పాన్ కార్డు రూపంలో రెండు మూడు రోజుల్లో ఇ-మెయిల్ కు వస్తుంది.
- కానీ కరెక్షన్ పాన్ కార్డు మాత్రం మనకు ఇ-పాన్ కార్డు రావడానికి 10 రోజులు నుంచి 15 రోజులు వరకు టైం పడుతుంది.
- ఇ-పాన్ కార్డ్ మెయిల్ కు వచ్చిన తర్వాత మనకు ఒరిజినల్ పాన్ కార్డు మరో రెండు మూడు రోజుల్లో మన అడ్రస్కు స్పీడ్ పోస్ట్ ద్వారా రావడం జరుగుతుంది.
- స్టేటస్ ట్రాక్ చేయాలంటే:
- NSDL వెబ్‌సైట్‌లో “Track PAN Status” విభాగంలో అప్లికేషన్ నంబర్ ఎంటర్ చేయాలి.
- UTIITSL ద్వారా దరఖాస్తు చేసుకున్న వారు UTIITSL Track PAN ద్వారా ట్రాక్ చేసుకోవచ్చు.
పాన్ కార్డ్ పేరు మార్పు చేయడంలో ముఖ్యమైన సూచనలు
✔️ పేరు మార్పుకు నిజమైన కారణం ఉండాలి
✔️ గెజిట్ నోటిఫికేషన్ తీసుకోవడం ఉత్తమం
✔️ అధికారిక గుర్తింపు పత్రాలలో & పాన్ కార్డులో ఒక్కసారిగా మార్పు చేయడం మంచిది
✔️ పాన్ కార్డ్ పేరు మారిన తర్వాత బ్యాంకుల్లో & ఇతర డాక్యుమెంట్స్‌లోనూ అప్డేట్ చేసుకోవాలి